Venerdì 21 luglio alle ore 21.00 presso la sede dell’Union di Ladins de Fascia a Sèn Jan si terrà l’incontro informale per la presentazione di FAC – 3, il progetto sviluppato in collaborazione con il giovane artista di Gries, Ismaele Soraperra, giunto alle terza stampa artistica.
Di seguito il comunicato dell’Union Ladins de Fascia.
Fac de tera e identità L’Union di Ladins de Fascia envia a la terza scontrèda de reflescion su input del artist Ismaele Soraperra e de Nicoletta Riz, en vender ai 21 de messèl te sia senta a Sèn Jan »Sione dalbon en consaputa de chel che sion do che fajon, olache sion do che jon e per che rejon?« Con chesta paroles taca ite l curt test de Nicoletta Riz che compagna la terza opera enjignèda da Ismaele Soraperra che tel chèder del projet ‘fac’ ne sporc vigni doi meisc vèlch stimol de reflescion pean via apontin dai fac sozedui te noscia valèdes e tel mond. Chest’outa i simboi su la stampa grafich-artistica del joen artist da Gries de Cianacei ne rejona de entesseament, turism de massa, mudamenc climatics, egajons, ma ence de conflic e de revendicazion de deric, che se lea a tradizions de noscia jent ladina. De duc chisc temes se rejonarà te na scontrèda informala en vender ai 21 de messèl da les 21:00 tel pra fora da la senta de l’Union di Ladins de Fascia a Sèn Jan (se fossa burt temp daite). L’apuntament é debant e vegnarà sport ence vèlch da beiver, duc é envié de cher.
